泥漿摔角勁兇狠！佘詩曼撳爆王彦霖頭落地

藝人佘詩曼因參與大陸劇《延禧攻略》嫻妃一角爆紅，近日受邀參加真人騷《奔跑吧》，同場仲有Angelababy、李晨、吳謹言等，玩遊戲時大家都全情投入，當中佘詩曼要喺泥漿中搶公仔，更不惜將大陸男星王彥霖個頭撳入泥漿上面，畫面嚇親網友！

佘詩曼玩遊戲時完全唔手軟，面對泥漿摔角，為搶公仔取勝，綁住孖辮嘅佢成個人陷在泥中都唔介意，為咗將玩偶搶到手，佢更加拋開女神身份，將大大隻嘅王彥霖推落泥漿，繼而撳爆王彦霖頭落地，又成個人趴喺對方身上壓制，直頭好似《延禧攻略》中對決高貴妃嘅兇狠一幕，嚇到王彥霖不斷求饒，猛話：「我給詩曼！我給詩曼！」所以女人真係唔可以隨便得罪，玩個遊戲都會有「生命危險」！

而佘詩曼今次個狠樣，就畀網民Cap晒落嚟做表情包，個個都話估唔到佘詩曼係咁「投入」嘅人！