否認撻着郭子豪！鄧卓殷：只係一齊返…

應屆港姐亞軍鄧卓殷（Amber）最近被指搭上「大隻仔」郭子豪，她出席慈善節目拜神儀式時否認拍拖，澄清只是帶對方返教會：「知佢工作上生活上有壓力，佢有同我分享吓，於是帶佢返教會。（佢有冇分享感情事？）冇乜，呢樣唔清楚。（佢有冇追求你？）只係一齊返教會，依家我會專心工作。（影到你哋睇樓盤疑似準備同居？）唔係，嗰日返完教會，咁啱得閒陪佢睇。」

對於有指郭子豪背女友Karen暗撻她，蒙上第三者之名，Amber直言知道入行後要面對輿論壓力，自己沒有放在心上，亦不認識Karen，對方感情事要由他們回應。她又指不知子豪晚上會否出席，即使合照也不會尷尬。

提到被網友起底公開其舊相被質疑整容，她笑說：「睇番舊相好驚訝，但我只箍過牙，相中我冇修眉冇化妝。（被公開）都幾殘忍。」