衛詩雅玩羊搞到腳踭含膿：幾驚要截肢

藝人衛詩雅、陳家樂、陳百祥、菊梓喬、連詩雅、甄詠珊、陳庭欣、陳貝兒及陳曉華到電視城為籌款節目進行拜神儀式，衛詩雅最近上載腳踭傷口相片，她講述經過：「兩星期前屋企附近見到有人放羊，好得意，我即刻衝出去玩，好興奮抱住隻羊，玩完之後覺得右腳腳踭好痕，出現水泡，開頭冇理佢，搵咗啲藥膏搽，但尋日發現嚴重咗好多，有膿，擴散咗，仲有水泡！」詩雅直言小時候有養寵物，愛犬因傷口感染最終要截肢，令她大感驚惶，昨天急急求醫：「不過醫生話我諗多咗，唔使截肢，入面係發炎都幾嚴重，佢畀咗一堆藥我食，要食抗生素，我諗下次唔可以太忘形，點都要包實啲同埋噴啲嘢。」