為拉小巴增磅！陳家樂：辛苦過拍林超賢啲戲

藝人陳家樂到電視城出席慈善節目拜神儀式，他透露將與籌委會主席鄧耀昇拉車籌款，屆時要拉動坐上50人的小巴：「試過練習三次，拉空車冇問題，但排練時未試過有50人，最多得30人，我會叫所有上車嘅人之前去晒洗手間兼唔好食飯！我為咗今次增磅3Kg，係咁飲奶粉同每日做Gym，仲辛苦過拍林超賢啲戲，因為係Live唔衰得。」