趙式芝冇打算再婚：等同志婚姻合法化先

名媛趙式芝（Gigi）獨自出席活動，表示另一半JW因怕醜，故沒有一同亮相。Gigi表示近日很多台灣的朋友已經排期註冊結婚，申請拎結婚證書，大家都覺得好感動。問到會否參與朋友的婚禮？她說：「呢個禮拜都不斷為台灣嘅朋友送上祝福，所以大家嘅情緒都好高漲，因為係佢哋投票成功嘅好結果，而我哋喺香港都默默支持呢件事，加上早前同志廣告嘅風波，自己都好忙。（會唔會去觀禮？）擺酒都會去，因為都有好多朋友喺嗰邊註冊，等佢哋返嚟擺酒。（自己會唔會再婚？）等香港同志婚姻合法化先。（咪要等好耐？）如果唔喺香港，成件事變得冇意思。」

談到會否到台灣結婚？她說：「返到嚟香港都唔承認，而且只係畀台灣嘅公民註冊，就算港人想嫁畀一個台灣同志朋友，都冇咁嘅選擇，所以香港惟有繼續努力，都有一段好長嘅路要行，我哋都會畀好大嘅支持，同埋只有羨慕兼戥佢哋開心。」