網紅點點台灣玩輕航機　傅楚惠問幾歲玩得？

藝人傅楚惠與網紅點點（楊民翠），出席「Time For Taiwan~2019台灣小鎮漫遊年，小鎮玩很大」觀光推廣活動，兩女表示經常去台灣，其中點點說：「記得第一次去台灣係做Backpacker。」傅楚惠表示第一次去台灣是與朋友玩三日兩夜，有家庭後就與小朋友去墾丁玩，現時就會與一家人去九份玩：「由年輕、中年到老人家都好適合去台灣玩。」

講到點點參與台灣綜藝節目《綜藝玩很大》，到訪花蓮鳳林小鎮，她表示其中去了飛行場玩輕航機：「時速60公里。（你冇畏高？）如果飛機師平穩飛上去就冇乜嘢，但如果佢玩花式上上落落，都會有啲離心力。」傅楚惠即開心表示想玩，又問幾多歲玩得，想帶小朋友一齊玩，點點謂：「小朋友可能去牧場好啲，可以同啲小動物玩。」