又出車禍！吳業坤車Cam直擊被撞一刻

歌手吳業坤年前曾自爆一年撞車四次，笑指破財當災，豈料呢日佢又再次不幸發生車禍。佢喺社交網上載一段車Cam片，見到吳業坤喺駕駛途中，突然被一輛私家車從後撞上，令佢嘅座駕受到猛烈撞擊後隨即煞停，而後方嘅私家車亦立刻停駛，並亮起死火燈。吳業坤留言：「車Cam的重要性，頂」，唔少網友紛紛送上關心。

東網聯絡上吳業坤，佢話：「畀人撞，前車急停，佢收掣得切，但後面車收唔切撞咗佢車尾個泵把，人冇事，只係Chok咗一嘢，因為趕返無綫拍《大醬園》，加上架車沒大礙，同對方私下解決咗，由對方畀錢整車就算。但係架車爛咗，嬲多過驚。」問到可有整傷塊臉？佢仲識講笑話：「如果撞傷臉，對方賠幾百萬都唔夠。」仲話呢架車揸咗一年，只係開工粗揸，爛小小唔太心痛。