F級「括號奶」大暴走　楊冪錄影崩潰跪地

大陸女星楊冪同霍建華合作嘅民初劇《築夢情緣》近日播出，兩人嘅感情線大受注目，不過都唔夠楊冪嘅造型吸睛，其中一套衫更引起熱論！穿上吊帶褲內襯恤衫嘅佢，本應就包到冚冇咩特別，但仍難掩其F Cup身材，皆因胸前兩條吊帶有如括號「（）」，其豐滿上圍呼之欲出，網民稱之為「括號奶」，更表示震驚，因為佢身材纖瘦，體重早前公開時只得47.48kg（約105磅），大家都紛紛留言：「胸大腰細也太令人羨慕了！」加埋佢一雙長腿，副Body真係無敵呀！

除咗拍劇，楊冪喺綜藝界都好活躍！佢參演《密室大逃脫》時曾表示：「可以再恐怖一點！」表現勁輕鬆，令唔少網民都佩服佢咁大膽，點知喺最新一集中，眾人要喺黑暗嘅臥室中尋找線索時，楊冪起初仲嘲笑隊長鄧倫，點知下一秒，佢竟然因為自己坐住嘅床突然震一震，嚇到彈起縮埋牆角，腳軟跪喺地下勁崩潰，一面喊樣咁話：「幹嘛啊！」搞到啲網民都忍唔住寸佢「講大話」呀！