同王子有共識？鄧麗欣生B冇規限

藝人鄧麗欣（Stephy）、姜皓文及蔡瀚億（BabyJohn）等，上午於美孚附近拍攝新戲《殘影空間》。電影橋段與早前熱爆台劇《我們與惡的距離》異曲同工，戲中Stephy扮演一名精神科法醫，經歷「病人」張建聲及BabyJohn等案情。為演活角色，她一早資料搜集，以應付專業名詞。談到情緒病起狀，Stephy表示：「試過好唔開心，懷疑自己有情緒病啫。今次角色都沉重，有時想喊。（嚇親男友王子？）我話明畀佢聽拍呢套戲，佢依家喺台灣拍緊戲，同樣都好沉重。」

至於吳雨霏有喜，Stephy淡然表示：「好耐啦，開心事嚟嘅。（幾時輪到妳？）冇諗，唔想畀規限自己，咁樣會好大壓力。」