閰奕格單身招男友　沈震軒認拍拖想結婚

藝人狄龍、閰奕格、沈震軒等下午到深水埗出席音樂劇《搭錯車》記者會，閰奕格即場高歌「預演」，技驚四座！由於父親節眾人要在綵排中度過，狄龍有感而發、哽咽表示：「我細個嘅時候，爸爸生意失敗，一病不起，所以父親節為我來講遙不可及，要珍惜身邊人。」

事後三人齊齊受訪，狄龍對兩位後輩讚口不絕：「以前我拍戲，好多女演員拍拍吓行開，應該係談情，格格唔會。」閰奕格即答：「單身呀，其實有冇好介紹？」狄龍又謂今次舞台劇演出，豐富了自己後半生，他再爆閰奕格想挑戰鄭佩佩，成為新一代女俠。閰奕格承認：「細個時睇Maggie Q.等演出，覺得做打女好型，況且平時我比較男仔頭嘛。」

另外，沈震軒早前忙拍電影，近日正式「歸隊」綵排，又自爆以往會「發台瘟」：「知得一次，冇得NG，今次好啲，因為之前啱啱做完一次舞台演出。（影到你有新女伴喎！）正常嘢，我份人好簡單，希望可以成功（結婚）。」