單眼皮舊照曝光　鄧卓殷遭質疑整容

東網電視

喂，真係唔同樣喎！

港姐鄧卓殷近日被爆撻着大隻仔郭子豪，捲入小三風波！但佢否認呢件事，話只係帶郭子豪返教會！

鄧卓殷成為新聞人物，是非就愈爆愈多！佢日前出席公開活動，講到舊照被翻炒，個樣唔同晒，當時佢回應：「睇番舊相好驚訝，但我只箍過牙，相中我冇修眉冇化妝。」有讀者唔知係咪睇到呢篇報道啦，佢即時提供多張鄧卓殷讀書時嘅相，見佢嗰時單眼皮，依家就變雙眼皮，質疑佢整容咁話！

另外，讀者仲爆料話鄧卓殷讀書時就係喺教會識到當時嘅男友，依家又帶郭子豪返教會，話佢有鋪癮鍾意帶男仔返教會。

on.cc東網