邱芷微殺入校園　同學認出賈名媛

歌手邱芷微（Chelffy）自憑處境劇《愛．回家之開心速遞》「賈名媛」而成功入屋後，工作不絕，近日更獲邀到某中學擔任嘅嘉賓分享生命教育。Chelffy表示今次係第一次嘅school tour，所以自己都好緊張：「有學生、家長同教職員喺度，個氣氛都好嚴肅，不過當我上台嘅時候佢哋都好興奮，估唔到同學仔平時讀書咁忙都有留意我嘅劇集。」

Chelffy還透露近日獲社會福利署義工運動頒發「義務工作嘉許狀金獎」，她認為是一個很大嘅鼓勵：「我細細個已經跟媽咪去探訪老人院，受佢影響我亦開始鍾意做義工，亦會捐錢資助貧苦學生同到國內山區探訪貧困學童。希望以自己嘅行動鼓勵學生閒時多做義工，幫助更多社會上有需要嘅人。」又指活動中亦勉勵學生即使追夢，求學時期亦要用功讀書，凡事要學懂堅持。