生日都唔同余思霆過？朱敏瀚約咗第二個

無綫藝人朱敏瀚（Brian）雖然早前認戀華姐余思霆，不過日前（23日）佢27歲生日時就未有透露點同女友慶祝，更冇乘機「放閃」，貫徹一向低調嘅作風。呢日Brian終於大晒生日靚相，不過為佢慶祝嘅就唔係女友，而係好友羅天宇（Joey）！

Brian喺社交網多謝Joey送上生日禮物，不過相中見Joey送上嘅運動外套上，竟然貼有防盜器，搞到Brian忍唔住笑指：「收到一個有防盜器的生日禮物，可唔可以解釋吓？」仲標籤上「切勿高買」，而Joey亦笑指：「千辛萬苦得返嚟...你收咗佢啦...」二人互動相當搞笑。