經歷生死！吳彥祖晒舊照懷緬

型男吳彥祖（Daniel）自爆早前喺美國患上一場大病，盲腸炎引致盲腸潰爛，差啲命喪美國，幸好依家平安無事！不過似乎Daniel經歷過呢場病後，對人生都有好大嘅體會，亦開始懷緬往事。早前Daniel喺網上分享一張同爸爸坐喺自己新買嘅保時捷跑車上合照，佢仲話31年前爸爸買咗自己嘅第一架保時捷911，至今仍放在家中，見到過咗咁多年，架車仲好新，吳爸爸真係好錫車呀！

隨後，Daniel今日再晒出自己嘅舊照，呢張相係喺1992年拍攝，當時Daniel着上燕尾服下身短褲，擺出戙腳甫，認真型格！佢仲話呢張相好有電影《美少年之戀》嘅感覺呀！