《法證IV》再開鏡　杜之克：呢個經驗好特別

無綫重頭劇《法證先鋒IV》再次舉行開鏡拜神儀式，總監製梅小青、高層杜之克及演員黃浩然、譚俊彥、陳煒、鄭俊弘、楊柳青及陸詩韻出席外，頂替黃心穎的湯洛雯在開鏡禮上特別現身。

杜之克說：「同一部劇兩次開鏡兩次造型，呢個經驗好特別，今年唔止一次仲有一部劇都係咁樣，好感謝啲同事同團隊喺短時間內重新出發，雖然唔係計劃之中，但好多演員好想有得排戲認真去拍，令演出更精彩，好肯定再度出發過程比之前做落嘅更好，正面態度，今次精益求精，令出來嘅效果更好，冇得彈，期待個劇，應該唔會比原先個期遲太多，好快會見到作品出現。」

而開鏡禮亦加了一場湯洛雯和譚俊彥試戲，之後大家都嗌收貨，而黃浩然和靚湯合照時更主動握手兼說多多指教。