奉命重拍！譚俊彥同陳煒結多次婚

新劇《法證先鋒IV》現正補拍，譚俊彥（Shaun）和陳煒都奉命歸隊開工，Shaun說：「我冇諗過會再着番呢套戲服，不過補拍喺外國好平常，依家可以跟上外國做法，有空間改進做得更好，都係好事。」

他指戲中原本飾演黃心穎的包租公，有不少感情戲，今次重拍，他和靚湯會集中補拍在屋企的場口，預算要花一個月時間：「之前嘅嘢會掉晒，重新再演過。」問到劇集重拍，可是人工再計？他謂：「有騷錢計畀我的，有錢都ok，我個仔就嚟要返學。」他慶幸自己髮型和身形不變可以連到戲。

至於陳煒稱本身和心穎戲份不多，要重拍的對手戲較少，重拍亦沒有影響其他工作檔期，她笑說：「唯一係着多次婚紗，跟Shaun再結多一次婚。」