咁蠱惑？袁偉豪自爆影咗Pre-wedding

藝人袁偉豪和王君馨為活動任表演嘉賓，兩人稱獲《鐵探》帶挈有商演機會，當然希望陸續有來。而袁偉豪稱8月才為新劇開工，現正休息中。提到蕭正楠和太太黃翠如在峇里補擺婚禮，見他留言祝褔兩人，還指是蠱惑的婚禮說要向兩人學習。問到是否想秘婚？袁偉豪笑言：「佢哋好鬼多計，冇諗佢玩到咁大，上年佢哋秘婚，啱啱我開拍《鐵探》，同埋屋企有啲事所以佢哋都冇通知我。」

最搞笑袁偉豪誤以為今次蕭氏夫婦所上載的結婚相是上年的相片，經記者口中才知是新鮮熱辣補行婚禮。他得悉後笑言：「都話佢哋蠱惑喇！」問到他何時和女友影結婚相？他坦言：「之前我影寫真集有影咗一攝相，可以當Pre-wedding㗎， 雖然唔係着禮服係便服，但個景好靚，個feel好似呀！ （咁求其女友會唔會放過你？）咁我個人好認真，呢啲唔慳得，所以要賺多啲錢先！」