同遊超跑工廠！林志穎孖老婆低調放閃

台灣男星林志穎一向熱愛賽車同超跑，太太陳若儀唔知係咪畀佢感染，亦對超跑好有興趣。呢日佢哋兩公婆就一齊去咗法拉利總部參觀工廠，雖然佢哋相當低調冇影合照，但就分別上載咗喺同一場景嘅相放閃，令粉絲們大嗌好有愛。陳若儀留言：「隔了三年回來，還是好興奮！」佢仲強調工廠入面唔影得相，叫大家唔好話佢冇入去喎！網友都留言指好羨慕佢兩公婆有共同嗜好，仲話唔怪得知佢哋多年嚟都咁恩愛啦！