唔收番層樓！高海寧結婚要住未來老公屋企

藝人高海寧（高Ling）和楊明接受電台訪問，兩人合拍的《婚姻合伙人》正在熱播中，兩人笑言日日見，見到悶，楊明說：「劇組都知，所以分開我哋連續3日見唔到。」高Ling講笑楊明可以見多些新女，楊明即搞笑說見馬海倫。兩人愈見合拍，有意營造螢幕情侶？高Ling說：「網民都OK，不過只限於螢幕。（呢句說話同男友講？）之前傳秘婚太完整，好假，好多人傳短訊畀我問，我唔心急結婚。（有冇結婚計劃？）冇，媽咪從冇擔心我嫁唔出，話用花求婚，點會咁Easy。」不過她說最搞笑是收到租客的Message：「租客問我係咪要收番層樓，我話就算結婚都唔收樓，點可以住我度，一定住喺未來老公仔度啦！（最介意畀人話貼錢嫁？）冇呢個概念。」