李施嬅晒一件頭　勝在有長腿

即將補拍《法證先鋒IV》嘅李施嬅，近日飛咗去布吉叉足電先返嚟開工，連日嚟佢都喺網上分享靚相，不過就遲遲未見有水着照，睇到粉絲都留言問佢幾時派福利！

今日施嬅終於晒出水着，見佢着上經典嘅一件頭裝，雙手捉住兩條繩，凌空做出唔同動作，瞬間變成體操選手，雖然今次施嬅比較上密實陣，但勝在有長腿，施嬅留言：「回到童年時。簡單開心。力大無窮。放膽。起飛吧。體育組香港代表。」