姚子羚澄清冇情慾相簿：相信我嘅人就會信

藝人姚子羚出席新劇《唐人街》飯局，講到她之前被指捲入四角關係及流出床照，又有疑似她的性愛片段在網上流出，而她在社交平台有感而發「我沉默並不代表我畏懼」，問到可是很嬲？她說：「唔係，其實想講好耐，想多謝一直喺身邊支持我嘅朋友，感受到大家嘅愛同支持，好感恩好感動。」問到該片段是否對她影響很大？她說：「要回應都回應咗，總之片中人唔係我，有時唔想解釋太多，明白我嘅人就會明白，相信我嘅人就會相信。」有傳情慾相簿流出？她澄清沒有。

問到現時心情平復未？她表示一直努力工作：「呢套劇都就完，呢幾個月真係拍得幾辛苦，拍到個個瘦晒。」問之後可會放假休息？她說：「本身開拍前已同公司攞假，但之後又要開新劇，不過公司都好體諒，所以都會放假，放到8月開新劇為止。」她謂新劇是講跑步，與陳山聰合作：「之後都要開始練番跑，叫山聰陪我一齊跑，都驚佢會不停鞭策我。」