塊面瘦咗變年輕　昆凌孖周杰倫做運動放閃

台灣天王周杰倫（周董）之前陪老婆昆凌出席《第72屆康城電影節》，化身其背後的男人睇住老婆行紅地氈。近年愈愛愈高調嘅周氏夫婦，呢日孖住齊齊做運動，而昆凌仲叫老公做「大哥」，話佢難得一齊做運動，但竟然質疑對方，她於社交網站留言：「好幾天沒有營業啦，今天大哥難得一起運動，不過我一直有一個疑問，你有認真嗎？哎呦不錯哦！」

有唔少網友留言指周董頭戴Cap帽又加多頂褸帽，問佢覺唔覺得熱，亦有唔少網友話周董望落好似瘦咗唔少，塊面瘦咗成個人都年輕咗，叫昆凌要帶佢多啲做運動！