氣溫急跌20度　郭羨妮拍戲凍病靠針炙治療

藝人古天樂、林峯、苗僑偉、郭羨妮、滕麗名、宣萱等現時正於內地為電影版《尋秦記》拍攝中，現時正值夏天，原以為他們拍古裝一定熱到飛起，不過，當地變幻莫測的天氣，才玩死他們。當地氣溫由熱到中暑的三十多度，突然大跌二十度，只得十多度凍到打冷震，個個未埋位時着晒厚衫同對住個「小太陽」（暖爐）。難怪郭羨妮都於社交網留言謂：「前兩天熱到一個點，人也中暑了，今天竟然要穿羽絨服再加小太陽，這天也太變幻了吧！」郭羨妮早前亦因為凍到感冒，要找劇組的醫師替她針炙！而之前還在吃雪糕的滕麗名，現時着住古裝戲服都要對住兩個小太陽先頂得順呢！

不過佢哋一班人開工都好開心㗎！之前內地演員吳樾請大夥兒食飯，之後就由苗僑偉請食飯，真係有口福。