「教授」上身！釗峰同劉心悠跑住講人生

歌手梁釗峰到赤柱出席音樂分享會，講到之前與劉心悠去北極跑馬拉松，他表示因爲天氣等各種原因，去不到北極跑，改為去一個全球最北的城鎮跑。他與心悠跑半馬，笑言輕視了天氣：「以為冇北極咁凍就輕鬆跑，點知都難搞，心悠就着錯鞋，搞到頭一半捱住跑，後尾換番就得，我衝線之後都有折返搵番佢，睇下佢喺邊，照顧下佢，一齊並肩。」他又謂當地很大風：「啲風大到我啲汗即刻吹乾晒，心悠話佢成個人差唔多畀吹走。」

問到今次行程可有與心悠擦出火花？他笑言：「跑步嘅火花，好傾咗。（傾咩？）好多嘢傾，例如人生，因為啲fans話我係『教授』，成日講人生，原來佢都ok喎。」問到下次都可想再參加？他表示：「因為北極係一年跑一次，我哋都半承諾，下年要原班人馬再一齊參加。」