吳香倫出院後再入院　《愛回家》劇本不離手

無綫資深藝人陳榮峻（原名陳榮基）喺社交網透露太太吳香倫入咗院，佢上載吳香倫喺病床上嘅相片，雖然佢戴上口罩，仲揸住集《愛．回家之開心速遞》劇本，精神尚算不錯，不過右手食指就包住沙布。

陳榮峻留言表示：「容儀剛出院2天，又被醫院急call回去，希望早日出院，繼續拍攝開心速遞。譚道德，譚何容儀，開心速遞。」網民都大讚吳香倫工作態度認真，入院都劇本不離手，令人尊敬！而陳榮峻回覆東網說：「太太10個月前肺炎，到現在還是肺炎，從來冇好過，早幾日入院洗支氣管，洗走啲痰，及組織去化驗，又抽手指肌肉去化驗，今次是抽大髀肌肉化驗。」要多啲休息早日康復呀！