玩盡北海道！李美琪同家姐情陷花海唔想走

藝人李美琪（Monnie）自小同家姐感情好好，近日李氏姊妹趁有時間飛去日本北海道旅行，影落大量靚相上載喺社交網，見到兩姊妹對住花海唔捨得走，仲入埋花海狂影，被網友大讚人比花嬌！

Monnie接受東網訪問，話原來係第一次去北海道，雖然未到花季，但途中經過一個種滿鬱金香嘅地方，令佢哋忍唔住要影相打卡：「搵到個地方種咗好多唔同顏色嘅鬱金香，嗰邊花嘅設計其實係好用心，佢哋會係花海附近整條路畀人行入去，畀人影相打卡。」佢又透露此行食咗唔少美食，話返到香港要做運動「還債」：「食咗好多嘢，好似湯咖喱、蟹、生蠔同埋粟米等等，真係好開心，希望下次冬天可以去北海道滑雪，因為我哋住嗰間酒店有滑雪場，又有滑雪裝備借，希望有機會啦！」