教你點影遊客照！張雨綺用仙人掌襯托長腿

嚟緊暑假相信唔少人都有計劃去旅行，順便影吓靚相留下美好回憶，但影親都好尷尬唔知點擺甫士？唔緊要，內地藝人張雨綺可能幫到大家手！佢尋晚喺微博晒出幾張靚相，留言：「當遊客，今天皮一下！」見佢紮起辮着上熱褲大騷長腿同仙人掌合照，一時手指指，一時又舉V，仲前後腳企顯得對腳更加長添！啲甫士咁簡單，大家以後影相不妨參考喇！