執二攤又有咩唔好?臨時拉夫隨時爆紅!

20190601
東網電視
更多新聞短片
想不到吧?
藝人黃心穎累街坊,搞到劇集《法證先鋒IV》及《牛下女高音》重拍,其中《法證先鋒IV》嘅角色亦已落實由湯洛雯頂上,其實以往都有唔少藝人因為「執二攤」,而得到意想不到嘅好結果,甚至問鼎視帝視后!
宣萱
藝人宣萱喺2016年重返無綫,拍攝劇集《不懂撒嬌的女人》,憑「Mall姐」一角喺《TVB 馬來西亞星光薈萃頒獎典禮2017》榮獲「最喜愛TVB女主角」,其實有傳「Mall姐」一角原本屬意鄧萃雯飾演,不過宣荁就坦言唔介意「執二攤」,表示只要角色啱做就ok。
李佳芯
藝人李佳芯(Ali)除咗係「小三專業戶」仲甚有「二奶命」,事關佢參演嘅《律政強人》、《與諜同謀》及《BB來了》都係後來頂上,其中岑麗香因為陪屋企人而辭演《BB來了》,帶挈Ali「冷手執個熱煎堆」,憑角色人氣急升,更於《萬千星輝頒獎典禮2018》勇奪首個「最佳女主角」殊榮。
馮盈盈
港姐冠軍馮盈盈除咗因為出位言論火速上位,首次正式拍攝劇集《果欄中的江湖大嫂》,更憑「小狼女」一角廣受好評,更因而獲得《萬千星輝頒獎典禮2018》嘅「飛躍進步女藝員」獎項,而馮盈盈曾經接受訪問時,就承認原本「小狼女」一角由劉佩玥參演,後因角色調動先「臨危受命」。
陳家樂
藝人陳家樂出道多年一直浮浮沉沉,直年2017年藝人鄭俊弘因為檔期問題,未能參演劇集《逆緣》,其「冷凍人爺爺」一角就改由陳家樂頂上,而佢亦不負眾望,成功憑此角入屋彈起,「鹹魚翻生」!
陳展鵬 袁偉豪
無綫劇集《城寨英雄》大受歡迎,一眾演員於《萬千星輝頒獎典禮2016》橫掃多個獎項,其中憑「拳佬」勇奪視帝的陳展鵬,原來係接替因籌備婚事而辭演嘅羅仲謙,至於獲得「最受歡迎電視男角色」嘅「牙佬」袁偉豪,亦有指角色原先屬意由沈震軒演出。
朱千雪
港姐朱千雪於劇集《EU超時任務》首次擔任女一即大獲好評,她與男一王浩信的組合,更分別於《萬千星輝頒獎典禮2016》及《TVB 馬來西亞星光薈萃頒獎典禮2016》勇奪「最受歡迎劇集搭檔」及「最喜愛TVB螢幕情侶」獎項,但其實朱千雪嘅角色本來由胡杏兒飾演,但當時胡杏兒因續約問題,而拒演劇集「錯失良機」。
吳謹言
香港有唔少「執二攤」藝人,而內地代表就有去年憑宮廷劇《延禧攻略》「魏瓔珞」一角,紅遍中港台嘅女星吳瑾言,事關劇集製作人于正就爆料指,原本「魏瓔珞」係由內地女星楊蓉飾演,但後來對方推演,最後先改由吳謹言頂上。