同黃德斌激吻 湯洛雯唔敢畀父母睇

2019年06月01日 16:03
東網電視
更多新聞短片
好怕醜呀!

無綫小花湯洛雯(靚湯)及林秀怡出席主演劇集《婚姻合伙人》宣傳活動。席間靚湯自爆早前播出與黃德斌的吻戲,是入行以來最激的一次:「好緊張,拍咗幾take,播出直情唔敢畀父母睇!」

秀怡笑言自己亦有坐定定欣賞靚湯與德斌的「演出」。當提到她與陸永的「鴛鴦戲水」,秀怡笑謂:「最唔明係點解陸永着埋對鞋落水,可能甩色搞到池水變黑,好臭仲要拍足一日,諗番到覺嘔心。陸永拍到當咗我嘅胸同個墊只係一舊肉,拍咗落嚟都冇感覺。」

另外,靚湯原本明天便要投入《法證先鋒IV》拍攝:「因為天雨關係,所以依家改咗去後日。(緊張?)起初有啲,但做咗功課個人定啲,都擔心我好似插班生中途插入,台前幕後已經係一家人嘛。」秀怡在旁笑謂:「咁你要跑快啲追番。」靚湯笑答:「唔好再講跑步嘞,之前我拗咗柴,醫生話左腳韌帶輕微撕裂,頭先玩遊戲都唔敢太投入。」