瞓到流口水！許廷鏗被爆喺欣宜屋企踩屎

歌手許廷鏗（Alfred）與老友鄭欣宜，接受香港開電視節目主持馬梓軒（William）訪問，期間Joyce大爆Alfred瘀事！她笑言曾目睹Alfred睡覺流口水，而Alfred踩狗屎一幕更令她哭笑不得，欣宜謂：「有次佢坐喺我屋企飯廳，點知佢突然踩到啲嘢，望一望，咦！呢樣唔會係朱古力嚟㗎？」此時Alfred還表示記得當時感受到「朱古力」的溫度！

當主持問到Alfred認識欣宜前後有何分別時，Alfred直言：「好大分別！一開始淨係知佢好鍾意食嘢，由細睇到佢大，好難忘佢揸住雞髀張相！」Joyce即時反駁說：「係揸住腸仔呀，司華力腸嚟㗎！」Alfred又指認識Joyce後，覺得她除了非常愛吃，亦感受到她待人的那份真摰。