不捨阿仔飛澳洲讀書　鄧建明要老婆安慰

音樂人鄧建明（Joey Tang）在中環海濱與一班運動員玩Busking，他笑言是自己的光榮：「全部都好靚仔，之前為呢個活動做主題曲，知道有個女仔係體操運動員，原來有個花式係用佢個名命名，香港運動員好勁。」他又講到有相士指他今年適宜創作：「所以我今年冇乜外地演出，都係作歌畀人多。（幾時幫太極寫歌？）就開始作。」

他又透露兒子還有個幾星期就會飛去澳洲讀4年書，先讀預備大學課程，再讀大學，他表示：「我唔捨得，但相士話個仔去到係相逢恨晚，所以我依家都放心啲。」他又謂會陪兒子飛去澳洲安頓先：「不過個仔要住home stay，未夠18歲要喺人哋屋企住住先。（你有冇安慰太太？）反而係太太安慰我先，不過依家愈嚟愈近太太都開始唔捨得，兩個星期前已經執定行李，我就幫手。」問到可有寄語兒子甚麼？他表示：「有啲做咗會後悔嘅嘢就唔好做，例如吸毒，佢叫我唔好食煙同飲酒，我叫佢都要記住。（想佢搵個女朋友？）最好，正常嘢嚟，同埋我叫佢最好做運動，我依家都做咗佢半個教練訓練佢。」