叫太太進補！周柏豪養精蓄銳追B

一向注重健康的周柏豪日前出席健康食品品牌活動，柏豪在過去一段時間都忙於舉行巡演，坦言每做完一場騷都體力盡耗，期後都要爭取時間休息去復原，問到太太可有食補品進補？愛妻號上身的他冧爆謂︰「都會，但我希望佢飲多啲，女仔靚最重要，健康就係靚，呢啲好直接，皮膚、對眼都會出賣到，仲要成日保持心情開朗。（養好身子都易啲有B？）暫時努力做好自己嘅工作先，照顧小朋友係好需要經濟能力、時間，唔係純粹買咗件玩具返嚟，呢個年代教育、培育都好緊要，有開心事就會同大家分享。」

他亦有份享保健心得︰「休息時間要充足、食嘢方面要清淡，仲要做多啲運動，而自己主要都係飲水，唔會飲其他嘢。」他自爆身體曾出現「警號」，其中壞膽固醇超標︰「責咗少少界，可能係遺傳問題，食得好清都有呢個問題，所以醫生都叫我再留意均衡飲食。」