激罕晒溫馨　郭富城方媛拖實囡囡行公園

天王郭富城太太方媛趁住尋日係「六一國際兒童節」，罕有地晒出一家三口嘅照片，佢哋三個手拖手喺公園行緊，真係溫馨到爆！

相中佢哋都係背向鏡頭，城城就一貫打扮戴晒口罩同Cap帽，方媛身穿一件粉色加印花短袖上衣，搭配窄身牛仔褲，手腳纖瘦完全睇唔出今年四月 先至第二度做媽咪，睇嚟佢產後收身真係做得好好。而大女Chantelle就着住件紅Tee好搶眼，紮住辮仔嘅佢四圍望好似對公園所有事物都好感興趣。而細女Charlotte就未有入鏡，相信係因為出世冇耐，所以今次行公園就未有機會同行。

方媛再喺微博上載同囡囡玩嘅短片，真係好有愛呀！