謝婷婷身處外國　謝賢唔知邊個係經手人

藝人謝婷婷秘密誕女，BB嘅爸爸係邊個，依家仲係個謎！謝賢回覆東網，佢指婷婷身在外國，暫時未見過外孫女。問到婷婷係咪喺美國？謝賢話：「係啩，哈哈！」問到BB生父係邊個，佢話：「佢鍾意就得啦，你哋唔好咁八卦！（是中國人定外國人？）唔知喎，點會知，總之佢唔喺香港。」再問BB個老竇係咪「鷹眼」謝洛美維拿？佢話：「你問我，我問邊個呀？」

婷婷曾與名媛李桂蘭之子戴尚安（Sean）拍拖，李桂蘭亦跟狄波拉相熟。對於婷婷做媽咪，她笑言：「好開心，恭喜佢，謝賢同拉姑一定錫到燶，第一個外孫女。」談到Sean成家立室未？她謂：「未呀，佢忙事業，依家啲後生會覺得生B好大責任，佢啱啱先喺外地返嚟幾日，我都未見過佢。（會唔會催婚？）一定唔會，都唔急。」