贏37萬獎金！蘇志威拉頭馬笑唔停

藝人蘇志威（蘇老闆）的愛駒「駿王」以爆冷63倍之勢跑出第一名，再令他和太太劉小慧揚威拉頭馬，蘇老闆接受電話訪問時笑不停：「自『駿王』跑出，我好忙，不停收到同朋友嘅恭喜，WhatsApp都過百個，好開心，好興奮，連唔識嘅馬迷都嚟恭喜我。」問他自己是否投注了不少？他說：「少少啫，支持吓，一萬就冇，（頭馬獎金有幾多？）好似有37萬左右。」已是第二次做冠軍頭馬的「駿王」，問到為何今次賠率是63倍之多？他解釋：「因為之前匹馬有兩次表現唔係咁好，一次就被同賽事嘅馬匹踩傷腳，所以成績唔好，第二次係，因為踩傷佢嗰匹馬又喺隔離，影響咗佢心情，所以佢停咗唔跑，咁就被評為身體同心理質數狀況唔好，先至會變成63倍，但事實證實，我冇放棄過佢係好正確。」