周杰倫玩魔術　將畫中煙斗變真再攞走

台灣天王周杰倫（周董）一向熱愛表演魔術，不時都會喺社交網大晒魔術片，繼去年周董孖住老婆昆凌遊法國時喪玩魔術，最近佢重遊舊地去到法國某美術館，再次一時技癢大騷Quali，見佢一開始先將名畫上嘅煙斗「攞走」，變成真實嘅煙斗，然後再行去第二幅名畫，將煙斗「放入」畫中，一鏡到尾冇經剪接，完全睇唔出破綻，即獲網友激讚，就連好友陳建州（黑人）都忍唔住留言貼上驚訝嘅表情符號，直呼神奇。而周董亦好滿意今次嘅魔術，留言：「魔術跟畫畫兩種藝術最好的結合」。