肥媽台上鬥堅挺　吳香倫肺炎出院撐漢洋場

歌手漢洋假麥花臣場館舉行一連三場的《友共情三十載演唱會》，最後一場請來好友范振鋒、吳國敬、肥媽及黑妹擔任嘉賓。范振鋒指當年漢洋在台灣非常紅，兩人經常結伴去卡拉OK，他強調：「我哋只係去研究音樂，今晚我太太、媽咪同外母都坐喺台下，所以我要咁講，我哋冇飲酒，只係飲珍珠奶茶。」

至於肥媽與黑妹前一天才在雲頂做完演唱會，之後便匆匆趕回來，肥媽大讚漢洋乖仔、聽話又尊重長輩，期間黑妹及肥媽獲贈玫瑰，黑妹笑言：「我支花好似我咁謝謝哋。」肥媽稱就算謝都靚，又挺胸說：「我就未到七十歲，但都仲好堅挺，漢洋都好堅挺。」三人隨即合唱《Stand By Me》。

安歌時，漢洋邀請所有入場觀看的圈中朋友上台，並大唱周華健的國語歌《朋友》，早前因肺炎入院的吳香倫剛出院，也與老公陳榮峻捧場及上台，非常畀面。