拍拖三周年！張沛樂林耀聲大嗌超幸運

藝人「沙律」張沛樂擁有33E魔鬼身材，吸納唔少宅男粉絲，不過佢已經被男友林耀聲「私有化」，近日兩人仲飛到日本慶祝拍拖三周年。沙律喺社交網上載旅行相，其中一張係佢同男友喺富士山下合照，沙律留言話：「這個季節看到富士山機率好低，真的不容易看到，我們超LUCKY喔！」仲Hashtag：「3年快樂」。之後佢哋仲去咗神社參拜，沙律留言表示：「去神社參拜下，來日本一定要買一個靚靚御守，祝福一下！」網民就問佢係咪祈求同男友可以長長久久？