挑戰阿Sa地位！周揚青同鍾欣潼搞全新組合

內地網紅周揚青同藝人鍾欣潼（阿嬌）向來老友鬼鬼，呢日佢公然挑戰阿嬌拍檔蔡卓妍（阿Sa）嘅地位，喺網上宣布同阿嬌成為新cp組合叫「青椒」！「青」固然係代表佢自己，而「椒」就係「嬌」嘅普通話同音字。周揚青仲喺網上晒出與阿嬌夫婦嘅合照，並留言：「從今天起，我們就是全新的cp組合：青椒（嬌）！我中有你，你中有我，旁邊那男人我看不到！」一班粉絲都搞笑話阿嬌老公賴弘國係電燈膽，仲話青椒同Twins都一樣咁正呀！