重口味校服Look登台！65歲肥媽教御夫術

視帝黎耀祥喺社交網上載一張相，佢同肥媽（Maria Cordero）、阮兆祥（祥仔）及李麗霞（黑妹）齊齊喺馬來西亞登台，加埋超過200歲的4人以回春學生Look登場，肥媽同黑妹更紮起辮仔，少女味就真係冇喇，不過搞笑味就十足！黎耀祥更留言話：「馬來西亞雲星中學畢業照 這班學生留班很多年了」台上四人唱出多首經典金曲，肥媽更在台上傳授一眾女觀眾御夫術，笑言女人最緊要夠姣同識撒嬌，更笑言穿起校服後同老公打完茄輪先上台！