獨霸愛女3日2夜!陳柏宇大呻:乜都要自己搞

20190604
東網電視
更多新聞短片
成副慈父樣出晒嚟!
歌手陳柏宇(Jason)化身湊仔公,攜8個月大的愛囡Abigail到電台做訪問宣傳新歌《金草莓》,Abi全程乖乖坐枱陪住Jason,更手執派台碟幫爸爸手宣傳,可愛度爆燈!Jason解釋因老婆符曉薇今早出埠工作,所以可以獨自同Abi朝夕相對足3日2夜,問到不用跟老婆爭囡抱好Enjoy?他反而表示:「冇得爭又唔同感覺,乜都要自己搞,好似氹瞓覺咁,起身得唔夠佢快,佢就會醒,所以依家都醒瞓好多。」Jason笑言明天會繼續帶Abi開工:「聽日長時間啲就可能要帶埋車仔,搵時間氹佢瞓覺。(有冇工作搵你哋一家三口?)暫時冇,但有搵BB,如果有工作都唔會抗拒。依家同老婆討論得最多嘅係,等個女7、8歲就會返加拿大讀書,到時我做『太空人』嘅機會都好大。」
提醒人三思而後行
至於講到新歌,Jason謂:「係講超級市場啲草莓,擺得耐到收舖就會自眨身價希望有人買,但最後都冇,用吸比喻大家唔好好珍惜本身有嘅嘢、唔好好把握機會,首歌想大家領悟細心留意自己面前嘅選擇,因為有好多盲點,唔好一睇到好就以為好,提醒自己細心啲,多啲時間去考慮做每一個決定。」
林二汶偷吃禮盒朱古力
另外,陳柏宇、林二汶及Trekkers成員Mike早前接受新城知訊台節目《We Love We Play》訪問,跟主持人占史暢談童年的往事和年少時的夢想。訪問中也邀請了陳柏宇女兒Abigail一同進行,四位主持人分別講述小時候成長的點滴。柏宇表示自己兒時「好易湊」,既能照顧自己,也能自己靜靜地看卡通片,不會隨便扭計;林二汶亦分享了以前新年時的趣事,由於小時候不能吃太多朱古力,所以每當看見禮盒裏的朱古力時,都會忍不住偷吃一粒,而吃過後更會把糖紙重新包裝放回禮盒中。二汶更笑指小朋友時的她以為該禮盒是能夠食用,最後才發現原來是送禮之用,但那時已經被她吃得只剩下三分之一了。