浴缸激戰被葡萄!陸永唔識欣賞「水野秀怡」

2019年06月05日 01:23
東網電視
更多新聞短片

藝人林秀怡與陸永在劇集《婚姻合伙人》中飾演一對歡喜冤家,爆笑演出獲觀眾激讚,兩人受訪時繼續互寸,笑死人冇命賠!講到兩人共處浴缸一場,網友紛紛嗌激,陸永笑說:「我唔覺得激,可能秀怡好少咁少布,不過都好保守呀!遮晒,但奈何佢依家嘅綽號係『水野秀怡』呀嘛!(因秀怡被指貌似水野朝陽)你明唔明最近有人不停話我享福,兩年前佢個綽號叫『禽獸怡』呀!個個都嚟安慰我㗎!」秀怡即笑說:「我都驚你有陰影呀!」陸永說:「你都驚呢?依家點解呀?無啦啦變咗『水野秀怡』,個個都話我就正啦!點解正呀?(有冇覺得秀怡呢兩年索咗?)完全一樣!」秀怡則表示想跟陸永再續情緣,大讚對方轉數快,令她獲益良多。