10個生日蛋糕　黃庭鋒為操爆肌就住食

藝人黃庭鋒日前31歲生日，憑劇集《救妻同學會》吸納唔少粉絲嘅佢，獲一班粉絲同佢慶生，令佢十分感動：「今年多咗粉絲會嘅粉絲同我慶祝，有個粉絲仲由新加坡特登飛嚟，真係好有心。」

除咗有粉絲慶祝，庭鋒人緣好好，有唔少朋友輪住同佢慶祝，其中有《救》劇嘅一班演員如朱智賢及黃美棋，他說：「救妻同學會嘅Family畀咗驚喜我，拍完咁耐大家友誼仲keep到好開心，亦好多謝其他朋友，今年真係食咗好多個蛋糕，保守估計都有十個，但因為呢期操緊Gym，所以要就住食，因為怕變肥仔。」

問到庭鋒有咩生日願望，佢話最緊要係身體健康，他說：「有魄力同精神先可以繼續拍唔同嘅節目同劇，同埋想操到爆肌，工作又可以爆騷！」