過大禮冇得比 楊明娶思明跟足傳統冇壓力

2019年06月08日 02:24
東網電視
更多新聞短片
楊明話睇到超盈過大禮嘅場面都嘩一聲!

藝人楊明及高海寧到尖沙咀出席劇集《婚姻合伙人》結局飯局,楊明表示有一點不捨感覺:「劇集兩年前拍,等咗好耐,跟住好快咁就播晒,不過短短地,大家都睇得開心,我由開頭好似癲佬咁,到後面經歷好多男人最痛,總括嚟講好多觀眾都係鍾意,讚節奏夠快。(多咗師奶Fans?)出街多咗人對住我笑。(啲劇集清晒倉未?)呢兩個月播咗好多,清咗好多,得返《打工捱世界III》,下半年仲會見到我少少。」

講到女友莊思明出席何超盈的過大禮儀式,問女友是否前往取經?楊明說:「大家睇到(啲金器)都嘩一聲!我希望將來過大禮有一個角落仔就好,人哋係大家族,冇得比較。(有冇壓力?)冇嘅,思明家人都冇畀壓力,好開通。(將來會唔會都做齊過大禮?)咁我自己都係傳統,如果將來行到呢個階段,都預咗使啲錢,當然去唔到大家族咁啦!」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。