靚媽鬥水着　吳日言出水芙蓉撼Rosemary

夏天除咗為大地帶來美腿，仲帶嚟更多嘅泳衣照，呢幾日日日都酷熱天氣警告，最有效嘅消暑方法就梗係落水啦～就好似已經做咗媽媽嘅吳日言咁，佢尋日趁端午節就帶埋個女去游龍舟水，阿女第一次落水就即刻好Enjoy，雖然吳日言係想大晒親子時光，但係佢一襲黑色比堅尼上陣，「胸」湧身材表露無遺，就算喺水中都Feel到佢嘅迫爆感，搞到唔少網友都睇錯隔籬。

而同樣母愛氾濫嘅索媽名模Rosemary，佢就同老公同囝囝Hendrix去咗出海，第一次去遊船河嘅Hendrix一臉淡定，而名模阿媽就嚟個單手抱B晒玉背，估唔到一個假期會引嚟「人母之爭」，大家都忍唔住要晒水着賀一賀端午節！