阿女面前唔覺意爆粗　陳柏宇要自我反省

歌手陳柏宇（Jason）、吳若希及黃妍出席活動，問到可有講故事給女兒Abigail聽？他自嘲講故仔表達很差，拿着故事書來讀就還可以，雖然阿女未識說話，但現8個月大都不停牙牙學語。問到是否似他愛說話？Jason笑謂:「都係，鍾意講嘢，希望將來佢口水多過浪花。」提到可有播自己的歌給Abigail聽？Jason笑謂沒有逼阿女聽他的歌，但相信阿女長大識唱歌時，都可能嫌他的歌已成老歌。

身旁的黃妍稱之前到日本探表姐，她的女兒很愛模仿大人做的事，Jason即稱現在的小朋友模仿力很強，所以他都常常提醒自己在屋企不要講粗口，有時不小心講了會立即自我反省：「暫時反省次數唔多，一個星期1、2次啦。」問在家中會否都注意行為，如不再只着底衫褲通屋走？他笑言：「阿女佢自己都成日着住底衫褲通屋走啦，前日熱到我簡直想幫她除淨條尿片。」而黃妍稱早前和Jason工作，他太太帶Abigail探班，大讚Abigail非常可愛。