賈名媛帶挈！邱芷微Busking多咗粉絲撐

歌手邱芷微（Chelffy）日前在尖沙咀進行Busking，吸引大批粉絲到場支持。不過期間有粉絲自稱係Chelffy嘅朋友，最終因不遵守秩序而被保安人員邀請離開。事後Chelffy表示不認識對方：「佢見到我隔籬有個位，就坐低話特登過嚟陪我。我見佢坐喺度好安靜就冇理，之後佢被保安人員邀請離開時仲眼有淚光，自己都唔好意思。」

Chelffy又指今次是第二次出席該商場舉辦嘅Busking活動，更發現多了粉絲支持自己：「近日都有留意自己Facebook嘅粉絲人數增加唔少，相信因為《愛．回家》『賈名媛』一角入屋，多咗大家留意。」至於問到工作上的新動向，她表示準備做新歌：「公司見我近期開始多咗演出，又多咗人支持，會繼續策劃做新歌，預計今年8月尾左右會做好。」