探訪老友記！顏仟汶唱《真的愛你》

藝人顏仟汶與大班老友包括黃樹棠、傅晉杰、甄志強等探訪長者，她說：「跟一班老友記玩吓遊戲，唱吓歌仔，送吓禮物咁慶祝端午、父親節。因為老人家年紀大咗，啲仔女又要搵食，或者某啲原因，未必照顧到佢哋，所以有某些老友記要入住老人院，我覺得如果多啲人去探訪佢哋，唱一啲佢哋熟悉嘅歌仔畀佢哋聽，佢哋會好開心，冇咁悶！今日我唱《真的愛你》嘅時候，竟然分別有一個婆婆同公公都識唱，仲要唔使睇歌詞，我有啲感動同起雞皮，啲人成日都多謝我哋出席做義工，其實我想講，係我想多謝番佢哋，因為今日嘅香港，係靠呢班老人家年輕時建立囉。」