再拍陳秀雯！廖啟智驚爆畀學生圍

ViuTV新劇《教束》演員廖啟智、陳秀雯、黃澤鋒、劉俊謙等，在九龍灣舉行記者會，陳秀雯表示與廖啟智不同時期也有合作，可謂是老拍檔，甚有默契。她指去年拍劇時要適應幕後新班底，感覺好像去了一間新學校一樣，她說：「演戲感覺就冇變，係要適應幕後年輕班底，不過我都好熱血嘅。」

飾演校長的廖啟智劇中有幕畀學生圍，他說：「直情現今社會反映，嗰刻真係驚驚哋，小朋友扮大人嘅行為係會令我心驚，行動可唔可以收斂少少。」陳秀雯則說：「呢啲報道都見過，同我哋細個讀書好唔一樣。」

她指現在的家長壓力好大，好騰雞，要子女學很多課外活動，明她難以理解，她說：「我唔係呢類家長，音樂、體育如果佢本身唔鍾意，迫佢學都冇意思，慶幸依家唔係家長，唔使迫細路學嘢，有天分唔緊要，但變成必需就好痛苦，依家做細路仔好慘。」廖啟智說：「因為有比較，驚比低，我唔驚呢，因為我跟本係低。」