一日食幾十個榴槤！黃竣鋒：依家見到都驚

藝人黃竣鋒（Jason）日前接受訪問，談到拍新戲時的趣事，他謂：「呢套戲獻出咗好多第一次，第一次食榴槤食足一日，第一次食公仔麵食足一日，第一次打邊爐打足三日，最恐怖係食榴槤嗰場戲，雖然我都幾鐘意食榴槤，但係一日裏面食咗幾十個，真係食到想嘔，自從個次之後見到榴槤都有恐懼症。而另外一場戲，我第一次見到咁多錢，場面好壯觀，幾十億現金道具，身在其中，真的有一種有錢萬事足嘅感覺。如果真係有咁多錢，點算呢？」

Jason續說：「仲有一場我要用條毛巾撳住古天樂（古仔）嘅口、鼻，由於緊張過頭，出力太大，古仔嘅鼻樑又比較高，差啲撳歪咗佢個鼻。另外，印象最深刻嘅係同古仔一齊食早餐嘅戲，因為拍之前唔知佢會冇啦啦畀個飛吻我，當場我都唔知畀咩反應佢，其實都要多謝古仔為我指導演技。」